Quote from: Roark on November 04, 2012, 21:09:57 PM
Lett aktivitet etter økta, bra med inntak av næring og hvile.
Er ikke mer komplisert enn det
Eg skal vere litt ueing her (som vanleg) og påstå at det ikkje er så enkelt. Dei aller fleste treningstips tar utgangspunkt i at du er i energibalanse, og er lite eigna i kombinasjon med eit vektreduksjonsprogram.
Mitt tips er difor biorytmedietten og kontroll på energiunderskotet. Biorytmedietten går kort fortalt ut på at hovuddelen av karbohydratinntaket skjer på kvelden, dvs etter trening. Då har kroppen mykje betre insulinsensitivitet og karbohydratane blir difor lettare lagra der dei skal (dvs i muskelcellene).
Med å ha kontroll på energiunderskotet, meiner eg å ete ekstra tilsvarande forbruket på treningsdagar. Dette krevs litt erfaring og kunnskap om trening for å få til. Problemet er ofte at trening til ein viss grad reduserer svoltfølelse, at ein et mindre enn ein treng med påfølgjande slappheit og svolt dagen etter.
Pulsklokke med kalorimåling svært upresist og difor ueigna til dette formålet. Ved løp på flat mark er difor 1 kcal forbruk per kg kroppsvekt per km eit estimat som kan bli brukt, eit anna er 1 kcal per kg kroppsvekt per 10. høgdemeter klatra. Du kan måle maksimal energifrigjeringskapasitet (effekt) ved å ta f.eks. ein 3000m-test og rekne dette om til kcal per time. Moderat langkøyring blir som regel ca 60 prosent av dette. For styrketrening er det litt vanskelegare fordi proteinsyntesen aukar mykje med den type belastning, samstundes med at det mekaniske arbeidet er langt mindre. Skal eg prøve meg på eit råtips med 30-40 kcal per sett med 10 repetisjonar? Dette estimatet vil såklart variere med øvelsesutval, styrke og kvaliteten på økta.